Events

11. desember kanst tú hoyra Beinir í Biskupstøðgarðinum.

Áhoyrararnir kunnu gleða seg til eina persónliga konsert við bæði eldri og nýggjum tónleiki hjá Beini.

Tað hevur altíð verið nakað heilt serligt fyri Beinir at spæla sínar sangir í reinasta formi á gittara og klaveri – júst sum hann hevur komponerað teir.

Beinir er aktuellur við nýggju EP’ini “The end or beginning of us”. Á útgávuni eru persónligir og erligir sangir um kærleika, iva og tær løturnar, har eitt samband annaðhvørt broytist, slitnar ella krevur, at tú veruliga stendur við títt og torir at gera nakað við tað. Eisini sum partur av nýggja føroyska bólkinum Tøgn, hevur hann útgivið løg sum “Kamarið” og “Sig mær” sum hava verið sera væl móttikin.

Tað verður uttan iva ein hugnalig og innilig løta í Biskupstøðgarðinum.

______________________________

Talan er um stovukonsert har sitið verður við borð. Hvørt borð hevur 4 pláss, so tað er umráðandi at bíleggja saman, um tit vil sita saman.

Lítli køkurin hevur opið við brellbitum og Fjósið við víni og góðum frá Føroya Bjór

Dyrnar lata upp kl 19:00 so tað er møguligt at finna sær pláss, og at keypa sær okkurt gott at njóta áðrenn tónleikurin byrjar kl. 20:00

Konsertin er stuðlað av Økistónum.

Martin Joensen telist millum bjartastu tónleikastjørnurnar yvirhøvur, ið bæði meistrar at skriva egnar tekstir og løg. Sangir sum Ró, Morgun, Lat meg goyma teg, Uttan Teg, 60’ini og Svarti Ravnur eru langtsíðani blivnir fólkaogn. Klassiskarin“Ró” fekk enntá í 2018 heiðurin sum tann besti føroyski sangurin seinastu 50 árini.

Seks og tredivu av songskattum hansara finnast í Grønu sangbók, umframt, at Martin eisini hevur skrivað fleiri sálmar bæði í føroysku sálmabókini og nýggju sangbókini hjá Brøðrasamkomuni.

Fleiri minnast óivað Martin væl frá Vestmonnum, men hann varð fyrst virkin í Vestmannabólkinum Fox og seinni útisetabólkinum Avføringar. Seinastu mongu árini hevur tað tó fyrst og fremst verið sum solistur, at vit eru sloppin at njóta ríku sangskattirnar hjá honum.

Millum flottastu heiðrarnar kunnu nevnast virðisløn M.A. Jacobsens fyri fagrar bókmentir í 2007 og Ársins tónleikaheiður á FMA í 2022. Tí var tað einki annað enn sjálvsagt, at ungu spírarnir í Hoydølum tulkaðu hansara sangir í allarfyrstu av fleiri sendingum fyrr í ár.

Sum Martin sigur, “Eg fari at syngja og spæla eitt hóskandi bland av mínum sangum – líka frá byjanini fyrst í 70unum og til dagin í dag. Eg vænti, at vit fáa eina hugnaliga løtu saman”.

________________________________________________

Talan er um stovukonsert  har sitið verður við borðið. Hvørt borð hevur 4 pláss, so tað er umráðandi at bíleggja saman, um tit vil sita saman.

Lítli køkurin hevur opið við brellbitum og Fjósið hevur opið.

Dyrnar lata upp kl 19:00 so tað er møguligt at finna sær pláss, og at keypa sær okkurt gott at njóta áðrenn tónleikurin byrjar kl. 20:00

Konsertin er stuðlað av Økistónum.

Fólkapopput konsert við Danny & the Veetos

Danny & the Veetos hava síðani 2013 blást frískligan og popputan fólkatónleik inn í føroyska tónleikaheimin. Sangir sum ‘Alright’, ‘Sunnukvøld í Havn’, ‘Farvæl’, ‘Stúr ei meir’ og ‘Eg lítil var’ eru blivin fólkaogn og liggja framvegis á mongum veitslutónleikalistum kring landið. Síðstu árini eru stakløg, m.a. ‘Let Me Go’ og ’Súrepli’, løgd afturat.

Serliga sangurin ‘Alright’ hevur fingið kultstatus í smb. við stóru framgongdina hjá føroysku hondsliðunum og er blivin eitt slag av óalmennum føroyskum tjóðsangi Við Tjarnir og til endaspøl. Hetta hevur so skapt ein størri altjóða áhuga fyri fólksligu sjeikunum.

________________________________________
Talan er um stovukonsert í Biskupstøðgarinum har sitið verður við borðið. Hvørt borð hevur 4 pláss, so tað er umráðandi at bíleggja saman, um tit vil sita saman.

Lítli køkurin hevur opið við brellbitum og Fjósið hevur opið.

Dyrnar lata upp kl 19:00 so tað er møguligt at finna sær pláss, og at keypa sær okkurt gott at njóta áðrenn tónleikurin byrjar kl. 20.

Konsertin er stuðlað av Økistónum.